Launch speech Prime Minister

[yjsgimgs image="images/News/1_News_-_Launch_Hon_CHARLOT_SALWAI_Prime_Minister_of_the_Republic_of_Vanuatu.jpeg" class="yjt_polaroid yjsg-lightbox" title="" link="images/News/1_News_-_Launch_Hon_CHARLOT_SALWAI_Prime_Minister_of_the_Republic_of_Vanuatu.jpeg" target="" effect="morph"] The Hon. CHARLOT SALWAI, Prime Minister of the Republic of Vanuatu, for the Official Launching of the 40th Independence Anniversary and the 51th Pacific Island Forum Leaders Meeting

Good Day mo Happy New Year long yufala everyone – Mi hope se yufala I bin gat wan gudfala Christmas mo New Year celebresens. Mi wantem talem bigfala tank yu long papa God antap we I save guidem yumi start long 1980 ikam kasem tedei. Mi acknowledgem everiwan – olgeta founders blong yumi we oli bin work tugeta, nomata long olgeta differences blong olgeta, be oli bin decide blong kam tugeta mo agri long ol stampa tingting blong kantri blong yumi we tedei yumi everiwan I save glad long hem from yumi free blong decidem own destiny blong yumi. Tis year hemi markem 40 yia wokabaot blong independence blong yumi.

Mi wantem congratulatem everiwan –ol pikinini, ol mama, ol olfala igo kasem ol leaders blong yumi long gafman mo specially long namba 11 legislature we bambae I finis tomorrow; olgeta long private sector, ol development partners mo ol civil society grups we everiwan I save supportem wokabaot ia.

Hemi no bin easy. Yumi bin fesem fulap challenges be ol challenges ia nao oli bin help blong shapem kantri ia we tedei yumi save kolem olsem home blong yumi. Vanuatu bambae ino save kasem ples we hemi stap long hem today without support mo active participation blong yufala everiwan ol citizens, ol residents moo l investors. Mi stap kam aut tedei blong talem aut long yufala everiwan se Gafman we I stap endem term blong hem soon, hemi happy long progress mo ol achievements we yumi bin mekem tugeta long last 40 yia.Olsem ol man Vanuatu, yumi mas praod long ol achievements ia.

40 yia hemi wan bigfala milestone we hemi save minim fulap samting long fulap man. Olsem wan Christian kantri, yumi save se hemi bin tekem ol Children of Israel 40 yia bifo oli save kasem promise land. Yumi bilif se yumi bin kam tis far wetem plante faith, be hemi no from yumi gat fulap mineral resources olsem ol nara fren kantries blong yumi long region:

  • Faith blong ol olfala blong yumi we oli bin wok tugeta blong achievim political independence long 1980
  • Faith blong ol fren partners blong yumi we oli bin sapotem yumi right long beginning;
  • Mo faith blong wan wan long yufala we I stap watchem laef broadcast ia tedei

Maet yu stap long Aneityum down long South, or wan long olgeta islands down long Torba province long north, mi wantem talem long yu olsem: inogat wan samting I save stopem yumi blong wok tugeta mo achievim nekis 40 yia from yu yu part long storian ia we yumi everiwan I stap raetem tedei igo.

Mi stap askem yufala everywan - from north to South, blong wok tugeta wetem ol organising committees blong yufala mo ol provincial authorities– mo stat blong putum tugeta ol plans blong yufala blong celebratem ol achievements blong last 40 yia blong kantri blong yumi.

Mo long yufala we yufala istap long tufala centres – Port Vila mo Luganville, yufala I shud work tugeta wetem tufala Municipality, wetem ol local organising komity blong ensure se ol people blong yumi oli feel part long achievements blong yumi olsem wan kantri long last 40 yia. Olsem prime minister, mi stap askem cooperation blong everiwan.

Ino hemia nomo, tis yia yumi stap markem 40 yia wetem hosting blong 51st Pacific Islands Forum Leaders’ meeting we bambae yumi hostem long Port Vila long 4-7 August 2020. Hemi hemi stret after long one-week celebration blong markem 40 years anniversary blong yumi. Hemia hemi minim se bambae yumi gat plante visitors long Port Vila especially long taem ia.

Mi stap mekem special kol ia igo long everywan we oli gat ol properties long town area, start long Bauerfield airport igo kasem long Pango longwe, blong yumi mas start blong klinim ap ol ples blong yumi.

Sapos hemi need blong yumi putum ap ol fanis we I foldaon or paintem ol walls blong ol haos blong yumi, then yumi shud mekem. Bambae gafman, mo mi sua se gafman we bambae I kam tumoro, through long ol responsible authorities bambae I mekem everi samting within long pawas blong olgeta blong yumi save hostem tugeta events ia successfully.

Gafman hemi appropriatem ol funds finis igo blong yumi save hostem tufala events ia. Be mi save tu se bambae igat fulap narafala activities we bambae ol organising committees oli wok long olgeta blong traem blong involvem everiwan long celebrations.

Mi stap appeal long everiwan blong yumi wok tugeta long ol days we I stap kam blong mekem se tufala main events blong July mo August I save happen successfully.

Theme blong 40th Anniversary blong yumi hemi:

Prosperity for Self-reliance and a Resilient future

Mo theme blong 51st Pacific Islands Forum hemi:

One Blue Pacific – Investing in a shared climate resilient future founded on human dignity and wellbeing.

Tugeta themes ia tufala I complimentem tufala mo ol stampa tingting long tufala theme ia hemi: self-reliance, climate resilience, human dignity mo wellbeing blong ol pipol blong yumi long Vanuatu mo long Pacific Forum Region.Fasen blong wok tugeta hemi stampa blong prosperity mo progress blong everiwan.Mi gat bigala honor ia tedei blong mi save launchem ol activities blong markem 40th anniversary celebrations, mo hosting blong Pacific Islands Forum.